صلاح عبد الله للإخوان: مش عايزين غير نعيش مرتاحين

 

نشر الفنان صلاح عبد الله على صفحته الشخصية في موقع التواصل الاجتماعي فيسبوك، قصيدة سياسية موجهة لجماعة الإخوان المسلمين، تعليقا على الأحداث التي شهدتها مصر خلال الأيام الماضية.

ووجّه صلاح في كلمات القصيدة نقدا لاذعا لجماعة الإخوان المسلمين ومكتب إرشادها قائلا:
هوّ مين قبل مين؟!
يا إخوان يا مسلمين
التنظيم والجماعة
ولّا كل المصريين؟
هوّ مين فيهم يا عم؟
مين أولى ومين أهم؟
مصر اللي بتجري في الدم
ولا السلطة باسم الدين؟
هوّ لمين يحيا الجهاد؟
مصلحة كل البلاد
ولا مكتب الإرشاد
ولا حماس والقسامين؟
هيّ النهضة إيه مقصودها؟
وإيه أهدافها وإيه مردودها؟
ومين حيسوقها ومين حيقودها؟
وناوي يوصل بينا لفين؟
نفسي أقول للإخوان:
يا إخواني من زمان
وكلنا في الوطن إخوان
مسلمين.. مسيحيين
وأي ملة.. وأي دين
والمصحف ماحناش عايزين
غير نعيش مرتاحين
والصليب.. مش عايزين
غير نعيش آمنين
حد يسمعني "آمين"
آمين يا رب العالمين

من ناحية أخرى يستكمل صلاح عبد الله تصوير مشاهد وأحداث مسلسله الجديد "الوالدة باشا"، ويجسد فيه دور صنايعي يعيش بمنطقة شعبية، ويشاركه البطولة سوسن بدر، وباسم سمرة، تأليف محمد أشرف، وإخراج شيرين عادل.